اكلات اسكندرانى...يا رب تعجبوا.

(( السمــــــــــك السنجـــــــــــــارى ))

المقادير : -

- سمك بورى كبير
- بصل وقطعيه قطع صغيرة خالص
- طماطم وبرضه قطعيها مكعبات صغيرة
- بقدونس وكرفس وكمون
- وقطعى حبات الليمون حلق رفيعة
- زيت وملح

الطريقة

1 - نضفى السمك البورى
2 - وقفى السمكة على ضهرها وشقيها نصين من عند البطن بس ما تفصليش النصين عن بعض يعنى شكل السمكة حيبقي مسطح كده قدامك وشيلى الراس والديل مالهمش لازمة
3 - رصي قطع السمك دى بقي في صنيه
4 - اخلطى الطماطم والليمون والكمون والبقدونس والكرفس والبصل مع بعض
5 - حطى الخليط ده على وش كل سمكة
6 - رشي زيت على الوش بسيط بعد ما تحطى الخليط وكمان الملح رشة بسيطة
7 - دخليه الفرن للشوى وحياخد في الفرن نفس الوقت اللى بتعملى فيه صنيه السمك

التقديم

قدمى كل سمكة بالخليط اللى عليها في طبق وحطى السوس بتاعها معاها

الملوخية بالجمبري

المقادير

ربع كيلو جمبري صغير
لتر ماء
نصف كيلو ملوخية خضراء طازجة ( مغسولة ومخروطة ناعم او مجمدة)
نصف ملعقة صغيرة كمون
ملعقة كبيرة كسبرة ناشفة
بصلة صغيرة الحجم مفرومة
1 فلفل أخضر متوسط الحجم
ملعقة كبيرة ثوم مفروم
1 فص كبير ثوم مقطع
ملعقة كبيرة سمن
ملح - فلفل أسود

الطريقة

يتم غلي كمية الماء مع الملح والفلفل الأسود والكمون والبصلة مع فص الثوم المقطع.
يضاف الجمبرى بعد تقشيره وغسله جيدأ إلى الماء المغلي على نار هادئة ويترك لمدة دقائق حتى ينضج.
يضاف اليه بعد ذلك الملوخية المخروطة وتقلب جيدأ حتى تتجانس الملوخية مع الشوربة وتترك لمدة 5 دقائق على نار هادئة مع التقليب من حين لآخر.
يفرم الفلفل الأخضر ويهرس مع الثوم المفري. يقدح السمن على نار هادئة (يحمى) ويضاف إليه الفلفل الأخضر والثوم مع قليل من الفلفل الأسود والملح مع التحريك المستمر حتى يذبل الثوم ثم يضاف اليه الكسبرة الناشفة مع التحريك لمدة 1 دقيقة ثم يضاف الخليط إلى الملوخية يقلب الجميع جيدأ على النار دون أن يغلي لمدة دقيقة واحدة، يرفع من على النار ويقدم بعد ذلك وبالهنا والشفا

كفتة الجمبري

المقادير:

1 كيلو جمبرى -
2 بصله متوسطه + 1 كوب رز مغسول و منقوع لمدة ساعتين -
6 فصوص ثوم مهروس -
بقدونس + شبت + كزبرة ( خضرة المحشى المعتادة ) -
ملح + فلفل اسود + حبه فلفل حار + قليل من الزعتر + فصين حبهان مطحون + نصف معلقه قرفه + ليمونه .

الطريقة:

نقسم كيلو الجمبرى إلى نصفين ( النصف الأول حجم معقول و النصف الثانى الجمبرى ذات الحبات الصغيرة )
نقوم بفرم الخضرة مع الجزء الثانى من الجمبرى ( الحبات الصغيرة ) و الأرز و البصل و الثوم و التوابل تفرم جميعها فى ماكينة فرم الكبه
سنجد عندنا مزيج يشبه الكفته ثم نقوم بخلط هذا المزيج مع النصف الآخر الحجم الكبير و نعجنهم بايدينا حتى يتجانسوا و تشكلى أصابع من الكفته حسب الشكل المطلوب ثم تحضرى
قليل من الدقيق و تغمسى فيها هذة الأصابع ثم تقليهم فى الزيت و يقدم مع الأرز و بالهنا و الشفا ..................................................

(ودى طريقة تانية للجمبرى (جمبري بالصوص

المقادير:

طعام صويا صوص - ربع ملعقة صغيرة ملح- ملعقة طعام كاتشاب- ملعقة طعام ماء - رشة فلفل
جمبري مقشر ومجفف - 2ملعقة طعام ز يت - 4 فصوص ثوم مهروس- 3 اعواد بصل اخضر مقطع -ملعقة

الطريقه :

ننقع الجمبري في الثوم و الكاتشاب و الصويا والماء ونضعه جانبا نسخن المقلاة الواسعة على درجة حرارة عالية ونضع الزيت و نقلب معه الجمبري و نحمر الى ان ينضج ثم نضيف التتبيلة والملح و البصل الاخضر المقطع ورشة الفلفل يقدم مع الرز ..

المرة دى الحلو

(( عيـــــش السرايــــــــــــــــــــــا )

المقاديـــــر

- 1كوب زبادى ( قولى علبتين صغيرين )
- معلقة كربونات ( بيكربونات صوديوم )
- 1 كوب دقيق
- 1 كوب سكر
- 2 بيضة
- كيس قانيليا
- نص كوب سمن
- شربات ( حقولك مقاديره وطريقة عمله في الاخر )

الطريقــــــــــــة

1- نضع السمن + السكر + البيض + الزبادى + الفانيليا في وعاء واخلطيهم جامد اوى بزمة يعنى
2 - وبعد ما يمتزجوا جامد حطى عليهم الدقيق
3 - حطى بقي الخليط كلو في صنية مقاس 28
4 - دخليها الفرن لحد ما تلاقي لونها بقي عسلى كده وممكن تختبريها بالسكينة
5 - خرجيها واسقيها شربات على الوش على حسب ما تحبي درجة حلاوتها

التقديـــــــــم

قطعيها مربعات وقدميها في اطباق صغيرة بس ما تاكلوش منها كتير يعنى كفايا مربع واحد علشان ما تتخنوش
وبلاش تاكلوا صوابعكم المرة دى

مقاديـــــــــر وطريقــــــــة عمل الشربـــــــــات

حطى 2 كوب سكر + 1 كوب مية على النار لحد ما يغلى وبسوسبيه يبرد براحته يعنى اعمليه قبل ما تبتدى في عمل عيش السرايا ابقي اسقي الصنية اول ما تطلع من الفرن بالمقدار ده

أصابع السمك!!

المقادير :

ثلث كوب بقسماط .
* ملعقة صغيرة قشر ليمون مفروم .
* نصف ملعقة صغيرة فلفل .
* ربع ملعقة صغيرة ملح .
* شرائح سمك فيليه مقطعة أصابع .
* بياض بيضة مخفوقة قليلا .
* ملعقة طعام زيت .

مقادير الصوص :

* نصف كوب مايونز .
* ربع كوب خيارمخلل مبشور أو مقطع صغير جدا .
* ملعقة طعام بصل اخضر مقطع .
* ثمن ملعقة صغيرة فلفل حار .

الطريقة :

* نخلط البقسماط وبقشر الليمون والفلفل والملح جيدا .
* نغمس أصابع السمك في بياض البيض المخفوق ونغمسه في البقسماط ونهزه جيدا حتى نتخلص من الزوائد .
* نسخن الزيت في المقلاة (زيت قليل( ونقلي السمك إلى أن ياخذ اللون الذهبي مع التقليب مرة واحدة .
* يقدم ساخنا مع الصوص.

طريقة الصوص :

* في وعاء صغير نخلط جميع المقادير جيدا ونضعها جانبا
وبالهنا والشفا

هذه مقادير ل الكبدة الاسكندراني

المقادير:

1/2 كيلو كبدة مقطعة صغيرا -
ملح . كمون - (3 ملاعق كبيرة خل -
فلفل حار (اختيارى) -
3 ملاعق كبيرة ثوم مفروم -
حلقات فلفل أخضر -
عصير ليمونة -
1/4 كوب زيت للتحمير .
الطريقة:

نخلط الثوم والخل والكمون والملح والشطة(الفلفل الحار) جيدا ثم نتبل بها الكبدة ونتركها فى البراد 1/4 ساعة
نضع زيت على النار حتى يسخن ثم نسقط فيه الكبدة ونقلب وستظهر فورا الرائحة الطيبة .. نخفض الحرارة بعد ان يتغير لون الكبدة ونضيف حلقات الفلفل الاخضر ليكمل نضجه مع الكبدة ونغطيها ونتركها ربع ساعة .. بعد ذلك نرفع الغطاء ونقلب جيدا حتى تتشرب مائها وتتحمر فى زيتها ...
توضع فى طبق التقديم وترش بعصير الليمون (الليمون ضرورى للمذاق المميز للكبدة الاسكندرانى ) تقدم مع الجرجير والبطاطس المحمرة والخبز
أتمنى أن تنال إعجابكن...

ايه ده
انا جوعت علي الريحة
هههههههههههههههههههه
عاوزين ننزل الاسكندرية وناكلهم هناك احسن
والا غير كدا مش هيكونوا اكلات اسكندرانية
ههههههههههه
~~~~~~~~
مشكورة يا فراولة
تسلمي لينا
ورمضان كريم

تسلم ايدك
ياااجميل
ياعسل
ياسكر
تقبلى المرور

الف شكر هيما على مرورك
معلش بقى ما جبتش صور عارفة الى هيحصل
ههههههههههه
يلا خير
رمضان كريم

منمن انا كل دا؟؟؟

انتى اللى عسل وربنا
تسلميلى

مجبتيش صور
ايه ده
انتي كنتي ناوية تأكلينا صور

حرام عليكي احنا خسينا النص من ساعت ممسكتي المطبخ
حرام عليكي يا شيخة
زودي الصور شويا
قصدي الاكل

كدا يا هيما
طيب...هى جت كدا المرة دى
شكلك عينك على القسم
هههههههههههه
المرة الجية هزود الصور

قسم !!!!ـ
لا طبعا انا بحب اكل علي الجاهز
هو انالسه هطبخ وهحضر
ييييييييييييييي
دي عاوزة طولت بالي
لا القسم سيبتهولك
بس زودي الاكل شويا
احنا في رمضان

مشكورة فراوله على شويه الاكلات الحوة دى
بس ابقى زودى الاكل شويه فى السحور ياريت
تسلم ايدك

تسلم يا احمد
حاضر بس ربنا معايا بس
كل الاكل اللى تطلبه عندى
وعلى حساب المنتدى
هههههههههههههههههههههه