خلى قلبك ابيض وسامح الناس

انت لسه شايل في قلبك من حد عمل فيك موقف مش ولابد؟!



طيب بالله عليك مهما كان الموقف ده يستاهل انك متسامحهوش ومتأخذش بيده عشان تدخلو الجنه



اعلم اننا احيانا يتحرق دمنا غيظا ونقول ابدا لن اسامح ولكن دعوني أذكركم أنه الشيطان هو الذي يقول لك ذلك لا تسامحه



طيب ما تعرفش ان ربنا يطلع علي العباد ويغفر للجميع الا المتشاحنين



طيب فيه سبب مهما كان يخليك تستغني بمغفر ربنا عشانه؟!



دعونا نمحي ما تعلق بأذهاننا ،



،ونرسم البسمه في شفاتنا ،،



ننظر للون الابيض ،،



فدعونا نكون على اهبه الاستعداد ،



، وننقي انفسنا وقلوبنا من أي شائبه ،،



نستطيع ان ننعم بالحياه السعيده ان كان ما بداخلنا صافي ونقي ،



،، ان كنا لا نحمل أي حقد في قلوبنا ،،



نحب بعضنا ،،نكون سمحين ونسامح أي اخ لنا ،



لسه شايل في قلبك من حد؟!



طيب خلاص خليك انت قلبك كبير سامحه ياعم عشان ربنا يسامحك



انت مش عاوز ربنا يعتقك من النار؟!ا



اكيد مفيش حد حيقول لاء صح؟



طيب اعمل حاجه كويسه



وسامح الناس قول يارب انا مسامح كل من ظلمني او شتمني او اهانني او قال في حقي كلمه وحشه او او



صدقني حتحس براحه غير طبيعيه من الكلمه دي



ياسلام لما تدخل علي ربنا في الصلاه وقلبك ابيض نضيف كده حتحس فعلا بحلاوه الايمان وانت مش شايل في نفسك اي نوع من الزعل لاحدود



وربنا حيوقف لك الي يسامحك لو انت ظلمته انما لو لسه شايل اعلم فعلا والله ان ربنا حيوقف لك الي يقولك انا مش مسامحك ابدا



وكما تدين تدان



متفتكرش انك ملاك عمرك ما ظلمت حد



ابداً كلنا خطائين وخير الخطائين التوابين



صدقني سامح عشان ربنا يسامحك بالله عليك قولها الان



يارب انا مسامح كل اللي ظلمني



لسه الشيطان بيفكرك بالاعمال الوحشه الي التاني عملها فيك صح جمع في مخك دلوقتي كل حاجه وحشه اوعي تسمع له صدقني اوعي لسه بتفكرهو الموضوع ده في تفكير تاني



لسه مش عاوز تسامح؟!



أنا اعلنها الان اني اسامح يارب كل من ظلمني او شتمني او أهانني مين يعلنها معايا؟



!خلي الشيطان يتحسر قبل ان يقيدك ادخل علي رمضان وقلبك ابيض من اخوانك عشان تقدر تستمتع بالذه البكاء بين يدي الله والله مجرد ان تقولها بس حتحس براحه



ياااااااااااااااااااه الحمد لله اني خلاص مش شايل في قلبي اي حقد من احد نقي نفسك قبل يوم العرض



خلاص ايام معدودات توب واعفو عن من ظلمك وأطلب العفو منهم



احد الائمه بيمثل ده بالمركب



بيقول كنت في مركب والمفروض ان الي معاه شنط يستنه ميعديش الا في الاخر



فانا نطيت علطول من المركب الراجل قالي استنه قلت له انا معيش حاجه فتركني اعدي



زي بالظبط يوم القيامه لو فاضي وملكش عند حد حاجه ولا حد ليه عندك حاجه حتعدي بسرعه



اللهم اغفر للمسلمين والمسلمات والمؤمنين والمؤمنات الاحياء منهم والاموات وأخر دعوانا ان الحمد لله رب العالمين