فراق ووداع بأدينا رفضينه ومسلمين ليه

السلام عليكم ورحمة الله وبركاته
اخباركوا اية يا شباب ويا بنات
النهاردة انا داخل القسم دا اتكلم معاكوا شوية
يا تري ممكن؟
على العموم احنا هنتناقش يعني كل واحد يقول وجهة نظرة
النهاردة هتكلم عن نقطة مهمة جدا
الفراق بين الاصدقاء او المعارف بسبب ضغوط وظروف الحيه اللي غالبا بتكون فى مرحلة سنية انتقالية من فترة لفترة
يعني بالنسبة للاطفال م
الانتقال من الاعدادي للثانوي
والمرحلة اللي بعدها من الثانوي للكليه
ودي بتكون اسهل الى حد ما لانها بتكون مرحلة جديدة من نوعها وبيكون الشخص حابب انه يخوضها
بس للاسف سرعان ما تمر هذه الفتره مهما طالت
ونلاقى نفسنا فى اكبر ميدان لمفترقات الحياه واحنا واقفين ومش عارفين هنعمل اية
هنعمل اية مع اصحابنا اللي خلاص الشهر الجاي هنخلص امتحانات ومش هشوفهم تاني
طب بلاش دي
الحمد لله فى ناس بيبقى اصحابهم فى الكليه جيرانهم مثلا او من نفس البلد
حد فينا يقدر ينكر ان فى الفترة بتاعت الانتهاء من الدراسة دي كله بيفكر ان فى يوم من الايام مش هيشوف الناس دي تاني او هيشوفهم بس مش هيقعد معاهم كدا تاني ؟
طب حد فينا مفكرش اذاي هيكمل حياته من غيرهم ؟
اكيد كله فكر
اكيد اخر يوم فى الامتحانات دا كان عذاب عند الكل
دا الموضوع ................
طب تفتكروا احنا اذاي نقدر نلاقي حل للفراق دا ؟
طب يا تري الحل دا هيكون مقبول اخلاقيا فى مجتمعنا وحد هيقدرة ولا هيكونمنبوز وهيتاخد على محمل الانحلال ؟
طب مبادئنا اللي عودتنا ان التخلي عن صديق لمجرد انتهاء فترة زمنية معينة بيكون خيانه نعمل فيها ايه
طب يا ترى وانا بودع صاحبي بحس انه عادي عنده ولا انه كمان بيتعذب عشاني
ولو بيتعذب عشاني يبقى ليه راضيين ؟
مش عارف
تعالوا نتكلم سوا عن الموضوع دا ونشوف ارآكوا
تقبلوا فائق احترامي
وسامحوني لو كنت اتكلمت فى نقطة ممكن تجرح
بس صدقوني الجرح قبل ما يلتأم لازم يكون متنضف عشان ميفتحش وينزف اكتر من الجرح الاولاني
احلى اخوات فى الدنيا منتدى الحب والوفاء
محمد

كلامك يا ميمو فكرنى بالحقيقة اللى دايما بهرب منها
فعلا فى اصحاب انا مش هشوفهم تانى ولا يمكن اشوفهم صدفة؟؟؟؟؟
كمان ممكن تتعرف على حد فى رحلة اسبوع مثلا
وبعدين متشوفوش تانى صعب صح؟؟؟
انا من الناس اللى بجد صعبة اوى عليا
بس دايما بكلمهم ويكلمونى وبنطمن على بعض من وقت للتانى
واى مناسبة بنعرف بعض ونقول لبعض
وفى الاخر مسير الحى يتلاقى
والدنيا صغيرة
مين عالم؟؟؟؟؟
تقبل مرورى

فى البداية
انا بشكرك جدا محمد على الموضوع الجامد ده

وفعلا محتاج المناقشى الجادة
علشان كلنا نستفيد بأذن الله

انا رائيى ممكن يكون مختلف شويا
وممكن نا س كتير تستغربه اوووووووووووووووووى
بس انا رائيى اننا هنزعل وقتها
وفعلا زعلنا واديقنا واكيد لو مرينا بالموقف دجه هندايق من اول وجديد

بس ده بيكون فى وقتها او بعدها بفترة

واحنا بجد لو فى روابط جامدة مع اصحابنا
لازم نسأل دايما على بعض
وممننساش بعض لمجرد الفراق

وكمان اكيد هنلاقى صحاب تانين
واحلى حاجة ربنا مديهلنا نعمة النسيان لاى فراق اى كان

وفى الاول والاخر لو بنحب بعض بجد مفيش ظروف هتمنعنا عن بعض مشكور ميمو

جميل اوي رأيك يا فراولة وان دل فانما يدل على الاخلاص الشديد والاعتزاز بالمعرفة والصداقة
تقبلي فائق احترامي وترحيبي لتشريفك لموضوعي والمرور عليه

منى
انتي كمان رأيك كويس اوي
ان الواحد ميشيلش نفس فوق طاقتها
فعلا لو احنا هنحارب الفراق وهنخلي حياتنا كلها حزن بسببه لاننا كل يوم بنقابل ناس وبننسى ناس يبقى طعم الحياه هيبقى وحش اوي
انما من كرم ربنا سبحانه وتعالى علينا نعمة النسيان
وفى الاول والاخر يا يجماعة
احنا ممكن نتعرض كلنا لمشكله واحدة بس طرق حلها بالنسبة لكل واحد فينا تختلف
على العلم بان النتيجة بتكون واحدة
مشكورة كتير على المرور يا منى
محمد

احب اقول ان الفراق اكيد صعب بس
فعلا نعمة النسيان اللى ربنا ادهالنا
بتساعدنا كتير عشان نكمل حياتنا
وعلى راى عبد الحليم
على طول الحياة نقابل ناس ونعرف ناس ونرتاح ويا ناس عن ناس
وبيدور الزمن بينا يغير لو ليالينا ونتوه بين الزحام والناس وممكن ننسى كل الناس
ولا ننسى حبايبنا اعز الناس حبايبنا
تقبل مرورى
flower

اتقبل مرورك ؟
دا اصلا موضوعك يا باشا
شرفتي الموضوع يا قمر
وتقبلي فائق احترامي على المرور الرقيق
محمد

لا الموضوع بتاعك ميصحش
بردة احنا اللى نستاذن
مرسيه ليك يا ميمو

ممكن الموضو مكنش يبقى بالاهمية دي لولا مشا ركتكم فيه
تقبلوا فائق احترامي وتقديري

مش عارفة ابدء منين او ازاي
بس هقولك اللي علي لساني بعد ما قريت
موضوعك
بص ياميمو
ان اتعرضت لحالات فراق كتير اوي في حياتي
من احباب واصدقاء
اللي وجعني اوي هو فراق الاصدقاء
لما تكون بتحب صديقه اكتر من روحك
وتكونوا تعاملكم مع بعض
تشبة قصة حب مابين ولد وبنت
واول ما الدراسة خلصت
حسيت ان اللي مابينكم كله اتبخر
ولما عشان مثلا انت حصلتلك ظروف ومكملتش
واصحابك طبعا كملوا وفجاء تلاقيهم بيبعدوا عنك بعد صداقه 6 و7 سنين
وانت تبرر دة انة مشغولين
وبرضو حياه جديدة عليهم
وتلتمسلهم الف عذر
وفجأه لما تتجمعوا في مناسبة تحس انهم غرباء عنك
تقدر تقولي احساسك اية؟؟؟؟؟
ولما تلاقيهم بيبدوا مرواحهم لمناسبة احسن ما يرورحوا يشوفوك
ساعتها هتعمل اية؟؟؟؟؟
بص موضوعك وجعني اوي وبجد وخلاني ابكي لانة جة في وقت غلط
بس سيبك مني
موضوعك مهم اوي وبتتكلم في نقطة زادت اوي عن حدها

بس دايما بقول ان كل شيئ قسمة ونصيب
وان القدر الحاجة الوحيدة اللي منقدرش اننا نلوم عليه ولا نعاتبة
تسلم ايدك يا محمد
تقبل مروري
واسفة ع الاطاله
فراق ووداع بأدينا رفضينه ومسلمين ليه 714722

فراق ووداع بأدينا رفضينه ومسلمين ليه 714722

مشكور يا ميمو على الموضوع الهايل ده
بس سامحنى مش هقدر اتكلم فيه
لانى لو اتكلمت مش هيكفى ان احكى فيه ايام وسنينوكان هتعب جامد و
والله انت جيت على الجرح انت ممكن تسأل فراولة
هى اكتر واحدة عارفانى

ايوة عارفة يا نجمتى واللهى وحسه بيكى
بس اكيد فى يوم ترجعى تقولى الحمد لله على كل شىء
وانتى قلبك كبير وانا بحبك قوى وانتى عارفة كدا

مشكورة يا بسبوسة
على المرور والعبير عن رايك

وانتي يا نجمة مش لازم تتكلمي
بس فكري فى حلول وحاولي تقوليلنا عليه من وجهة نظرك

وانتي يا فرولاية
شرفني مرورك يا يا جميل

يا ميمو انت لوعندك حلول الحقنى بيها
ربنا يخليك

ميمو بجد موضوعك هايل
انا كان لى اصحاب كتير
ومع انتهاء الدراسه اتفرقنا
بس بجد انافعلا بتالم جدا لفراقهم
عارف كان لى واحده بتفهمنى لو بصت فى عينى
تعرف ايه اللى بيا كنت بحس انى مش صحبتها
كنت بحس انى بنتها وهى كمان كانت بتحس بكده
بس خلصنا دراسه وهى سافرت
فعلا لوقولتلو لى تتمنى ايه دلوقتى
هقولك انى اشوفها وتاخدنى فى حضنها
واقعد ابكى بجد مفيش حاجه فى الدنيا ممكن تعوضنى عنها
النسيان فعلا نعمه
بس فى ناس مهما الزمن يطول مش ممكن تنساهم
زى صحبتى مستحيل اقدر انساهاوطول مااناعايشه هتمنى اشوفها
زى ما الواحد مش ممكن ينسى اهله وحب عمره
اناشايفه انه مش ممكن ينسى صديق هوحبه بجد
اسفه على الاطاله ياميمو
بس موضوعك جميل وكان لازم ارد عليه
تقبل مرورى

مشكورة كتير جدا يا مشمشة على التعبير عن رأيك

وطبعا الفراق دا حاجة ربنا يبعدنا عنها

شرفني المرور الغالي