هحكيلكوا حكايتى مع بنت الجيران

الحكاية بتبدأ من حوالى سنتين
كان عفش بينزل من على عربية نقل

و انا واقف فى البلكونة وبسأل امى اللى كانت واقفة بتنشر الغسيل
هو فى حد هيسكن هنا ولا ايــه يامـا ؟

قالتلى اه يا حبيبى دى الشقة اللى قصادنا

قلتلها ويا ترى عرسان جداد ولا عيلة وبتعزل ؟

قالتلى والله يابنى مانا عارفة

قلتلها طيب يا خبر النهارده بفلوس بكرة يبقى بفلوس اكتر

هههههههههه

و بعد أسبوع

أمى واقفة بتنشر الغسيل بردو انا واقف جنبها

وبتقولى: مش السكان الجداد وصلوا خلاص

قلتلها يا شيـــــخة !

قالتلى: اه مرات الراجل عدت عليا انهارده وسلمت عليا وعرفتنى بيهم

قلتلها: ايــه بقى عرسان جداد ؟

قالتلى لا دول أسرة عندهم ولدين وبنت

قلتلها خير خير ( والشر بيبظ من عينيا )

و أثناء الحديث الشيق ده

طلعت مامت الولاد م البلكونه ولما شافت أمى هزت راسها - بتسلم على امى يعنى - وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا

أصل البلكونة فى وش البلكونة , بس هم مركبين ستارة واحنا مش مركبين ستارة بس باين عليهم ناس طيبين اوى

المهم الأم ندهت لبنتها
الحقيقة انا كنت أول مرة فى حياتى أسمع الاسم اللى هى ندهت به
أول مرة أعرف ان فى بنت اسمها كده أصلا

الام بتنده: يــــــا روفيده على وزن بثينه , بضم الراء يعنى

اسم جامد مووووووت عجبنى الاسم اوى وبدعى ربنا تكون رُوفيده حلوة زى اسمها

و طلعت روفيدة من ورا الستارة فـى حركة Slow Motion من بتاعة الافلام

و انا متنح تتنيحة سوده روفيدة طلعت احلى من اسمها جميلة جمال لا يوصف ناصعة البياض

مش قادر ارفع عينى من عليها مينفعش ارفع عينى من عليها اصلا

فضلت متنح لحد ما شافتنا انا وامى

لما شافت امى ابتسمت لها

و لما شافتنى زى ما تكون شافت عفريت ودخلت على جوة جرى

و تمر الأيام

و مشكلتى ان البلكونة بتاعتنا تدخلها من اوضتى عشان كده فى الرايحة والجاية ابص اشوف روفيده واقفة ولا لأ

ساعة ما الاقيها واقفة اطلع البلكونة

مرة اعمل نفسى بتكلم فى التليفون او بشم الهوا مثلا - مع إن الدنيا تراب وعفرة -

او بلعب عشر ضغط

اى تلكيكة والسلام

الغريب انها كانت فى الاول لما تشوفنى تروح داخلة جرى على جوة

لكن بعد فترة لاحظت انها مكانتش بتدخل اول ما تشوفنى وكانت بتفضل واقفة هى كمان

بقيت فى عز الشمس اقف لحد ما اعرق واجيب جاز فى عز البرد واقف بتكتك م البرد

واقف بالساعات مدام روفيدة واقفة ارمى نظرة ابتسامة أشاور

و كانت هى بتكتفى بالابتسام وعلامات الخجل

و ف يوم من ذوات الايام

بشاورلها شاورتلى

بقيت هطير م الفرحة

روفيده شاورتلى يا جدعان

قعدت اطنطط ع السقف وأغنى وحياة قلبى وأفراحه

هبا إيـه هبا اه

إن شاء الله هنظبط
امتى بقى اتكلم معاها ونهزر سوا

لحد ما جه اليوم

انا راجع من بره وعلى اول الشارع شفت أمى واقفة مع مامت روفيده

و المفاجاة: روفيده واقفة معاهم

لقيت نفسى بجرى زى شخصيات الكرتون نصى التحتانى بيجرى قبل نصى الفوقانى

تشووووووووو

لحد ما بقيت عندهم عرقان طبعا وبنهج وحالتى حالة

نزلت عليهم زى الباراشوط

ازيك ياما ازيك يا طنط عاملين ايه

و بصيت لروفيده لاقتها بصالي و بتضحك

كانت زى القمر اليوم ده ولابسة تى شيرت حمالات - اصل الجو كان حر اوى اليوم ده -

قلتلها: ازيك يا روفيده ؟

و كان رد فعلها غير متوقع بالمررررة كان صدمة حقيقية بالنسبة لى

لقيتها بتمد ايديها وبتسلم عليا

و بتقولى: الحمد لله.. ازيك انت؟؟!

رحت مسلم عليها

و قلتلها: الله يسلم قلبك يا روح قلبى

و رحت بايس ايديها
و رحت شايلها
و قلتلها: انتى عندك كام سنة بقى ؟

قالتلى عندى 3 سنين

رحت بايسها تانى وانا هطير م الفرحة وفضلنا نلعب ونضحك ونهزر

لحد ما مامتها شالتها وطلعوا البيت

و من يومها وانا وروفيده بقينا اصحب وكل ما تطلع البلكونه نفضل نهزر ونضحك مع بعض

هههههههههههههههههههههههههههههههه

منقول

لا فتك جدا الواد ده
روميو ؟
ربنا على اليهود
اية دا يا فراولة ؟
انا اتثبت
ماشي ماشي

هههههههههههههههههههههههه
اتثبت بس انا ماليش دعوة
اسعدنى مرورك

حرام عليكى يا فراوله
انا اتنرفزت بجد
بعد ما اندمجت مع القصه وخلالالالالاص
ليكى يوم يا فراوله
بس تسلم ايدك يا جميل

ههههههههههههههههههههههههههه
يا لودى انا ماليش ذنب
انا قريتها وعجبتنى قولت اجيبهالكوا
بس عجبتك صح؟؟؟؟
شرفنى مرورك

هههههههههههههههههههههههههههههههه
لا جامدة يا بنت
الله يخرب عقلك انا اندمجت
وفى الاخر تعملى فيا كده
ماشى مردودة ليكى ان شاء الله
بس اما اشوفك

هههههههههههههههههههههههههههه
امال ايه ؟؟؟
دى حلاوة الموضوع
لازم يبقى مشطشط
بس اكيد عجبك يا نجمه طبعا

اكيد عجبنى من غير شك يا فراولتى
هو انتى فى حاجة تكتبيها ومتعجبنيش

ربنا يخليكى يا نجمة
دا العشم برده
منورة الموضوع

ههههههههههههههههه
عرفاها انا دي
بس جميله اوي
بس انتي كدا فكرتنيني لما اضحك عليا
ههههههههههه
عادي بقي عدوها ياجماعة
مشكوره فراولتي علي الموضوع الجميل
وتسلم ايدك
تقبلي مروري
هحكيلكوا حكايتى مع بنت الجيران 303869

حبيبتى بسبس
انا بس حبيت اضحكك
انا اطول اضحك بسبوسة يا خبر
نورتى الموضوع يا قمر وتسلمى

هههههههههههههههههههههههههههههههههههههههههههههههههههه

يريت عندنا بلكونة في البيت
وتكون فيها روفيدااااااااااااااااااااااااااااا
هههههههههههههههههههههههههههه

مشكورة يا فراولة
وبعد كدا في اي قصة ليكي هقرآها من تحت لفوق علشان لو كان فيها اي خدعة

تقبلي مروري

نورت الموضوع يا هيما
ومرسيه على مرورك

لا بجد حرام عليكى
فراااااولة
اى نعم انا مش اند
مجت اوى
لانها قصة معروفة
حكاية ابن وبنت الجيران
بس بردوه كان مقلب جااااامد
تقبلى المرور
وليكى يوم
او اتنين
ههههههههه

هههههههههههههههههههههههه
لا لا مقدرش على زعلك يا قمر الا انت اه
انا جبتها عشان تضحكوا لكن ممنوع الزعل
انا مقدرش ابدا اخضك يا منى وانتى عارفة
اخر مرة
هههههههههههههه